حماتي دخلت عليا واحد غريب بقلم بانسيه

بعد ما حطت لي المنوم في العصير، وفاكراني مخدتش بالي.
حماتي مش بتحبني من أول يوم عرفت ابنها فيه، لأنه اتجوزني من غير رأيها، كانت شايفة اني أقل كتير من مستواهم، وإني هعرهم، حاولت كتير تبوظ الجوازة، مكنوش بيصدقوني لما احكي لهم على المشاكل اللي بتقصد تعملها معايا، لكن ربنا كان بينجيني كل مرة.
اليوم ده خدت بالي، ان حماتي قامت تعمل ليا العصير بايدها، مش عادتها ، دي هانم مبتمدش ايدها في حاجة، راقبتها من بعيد وشفتها بتدوب اقراص في العصير، فصورتها من غير ما تحس، ورحت قعدت مكاني، جابت العصير في كوبايتي المفضلة وقعدت تتكلم معايا، وكانت لطيفة بشكل غريب، كانت بتقولي
شكلك بهتان، ومحتاجة تتقوي عشان اللي في بطنك، ده العصير اللي بتحبيه
قربت العصير من بقي لكن ما شربتوش، شميت ريحة غريبة قوي ، بس كنت عارفاها لإني شميتها قبل كده، دي ريحة المنوم اللي أمي فضلت تخده بعد موت أبويا، عشان تتحمل الصدمة وتعرف تنام.
طلبت منها حاجة حادقة عشان ضغطي واطي، وعملت اني بشرب

العصير، واول ما قامت ، كبيت العصير من الشباك وسبت شوية بس، جابت لي زتون، ولقتني شربت العصير، كانت هتنط من الفرحة، عملت نفسي دايخة وتعبانة، وقلت لها هدخل اوضتي اريح شوية.
وكنت حاسة انها بتدبر لي مصيبة، فشغلت الكاميرا الخفية اللي في اوضتي، وكنت مركباها من اسبوعين بس، خفت تحط حاجة في اوضتي وطلعني حرامية، عشان مضمنش هتعمل ايه، وعملت نفسي نايمة، وزي ما توقعت مفيش ربع ساعة ولقيتها داخلة ومعاها صوت راجل غريب معرفوش، وسمعتها بتقوله هي نامت خلاص، زي ما اتفقنا وفلوسك هتوصلك
الغريب دخل.. ريحته سجاير وبرفان رخيص. الست هانم أمرته وقالتتنام جنبها شوية، وأول ما ابني يوصل، اهرب أنت.. وأنا هصوت، وهو يشوف، وكدة خلصنا.
كملت جملتها وضحكت بصوت عالي، وسابته وخرجت وقفلت الباب.
حسيت الراجل الغريب ده هيقرب مني، وقبل مايلمسني فتحت عيني، اتخض ورجع لورا وقال أنا معملتش حاجة
هديته وقلت له لو قلت اي حاجة غير اللي الحقيقة، هفضحك، لكن لو قلت اللي حصل، هتخد اكتر من اللي هتدهولك، بس هتفضل هنا في البلكونة، لحد ما هخرجك
وفعلا بعد ما سمعت اتفاقها الحقير معاه، عشان تفضحني عند جوزي، استنيت خطتها، فات ساعة بالظبط وسمعتها بره بتقول لجوزي حمدالله عالسلامة، كويس انك جيت متأخرتش، الست مراتك اللي اتجوزتها من غير رضايا ، قلت لك الأشكال دي مش من مستوانا
جوزي دخل عليا الأوضه وهو زي المجنون، لقاني في سريري ومحدش موجود، بص لحماتي وقالها
مش هتبطلي أفلام وإدعاءات بقى
حماتي كانت مستغربة، وبتكلم نفسها
راح فين، راح فين
قلت وقتها لحماتي شكرا على العصير يا طنط، كنت هبطانة بجد، تعالوا فيه ضيوف مستنيانا بره
وقلت لجوزي تعال يا سيف وهفهمك كل حاجة
طلعنا بره لقواو أهلي وأخته وجوزها مستنين في الصالون، كنت كلمتهم عزمتهم عالغدا، 
رحبت بالكل وحماتي هتجنن من الصدمة 
قلت لهم انا عازماكم النهارده عشان اقولكم خبر هيفرحكم بس قبلها لازم تشوفوا الفيديو ده
وشغلت الفيديو اللي صورته على شاشة التلفزيون
من اول حماتي وهي بتعملي العصير ومصممه اشربه لحد ما الراجل الغريب اعترف بكل حاجة
حماتي اتجننت وقالت للكل ده تلفيق، وتزوير، هي بتقول اي كلام
لكن حصل اللي محدش توقعه، لو عاوز تعرف بقية الحكاية 
صل على رسول الله وهنزلها في التعليقات
الحلقه الثانيه 
حماتي اتجننت وقالت للكل ده تلفيق، وتزوير، هي بتقول اي كلام
لكن حصل اللي محدش توقعه، فتحت البلكونة وخرجت الرجل الغريب منها، حاول يهرب وميقعدش قدامهم، وقامت حماتي تمسك في خناقه، بس جوزي سيف قعدها بعيد ، وقعد الراجل عشان يسمعه.
لكن جوزي حذرها متتكلمش مرة تانية وسكتها بإشارة من إيده
قلت له هقول أنا اللي حصل
أمك خدرتني وكانت مدخلة عليا راجل غريب في الأوضة 
حماتي اتجننت وقالت
كدابة! دي بتقول كده عشان كشفتها ، وتلاقي التخاريف دي مألفينها سوا أو تأثير المنوم
سألتها ببرود منوم إيه؟ عموما مش مستنية منك رد الفيديو فيه كل حاجة وياريت تشوفه من الأول للآخر قبل ما تتهمني في شرفي يا سيف
عاد الفيديو من تاني وشافها وهي بتلح عليا أشرب العصير وإني لما ارتاحت على سريري دخلت عليا