حماتي دخلت عليا واحد غريب بقلم بانسيه
كدابة! دي بتقول كده عشان كشفتها ، وتلاقي التخاريف دي مألفينها سوا أو تأثير المنوم
سألتها ببرود منوم إيه؟ عموما مش مستنية منك رد الفيديو فيه كل حاجة وياريت تشوفه من الأول للآخر قبل ما تتهمني في شرفي يا سيف
عاد الفيديو من تاني وشافها وهي بتلح عليا أشرب العصير وإني لما ارتاحت على سريري دخلت عليا
الراجل الغريب، مش بس كده شافها وعي بتقوله باقي حسابك لما تخلص المطلوب واول ما شافه بيقرب مني عالسرير قام ضرب الراجل بالقلم على وشه
الرجل الغريب خاف وكان هيجري، لولا قعدته غصب عنه، وهنا سيف اتهور فضل يضرب ويركل فيه ويقوله اعترف مين قالك اعمل كده؟
اتهز الرجل الغريب، وبص لي ولحماتي ومكانش عارف ينطق، لحد ما ضربه سيف جوزي قلم فوقه خلاه يقول
هي اللي اتفقت معايا على كده، وادتي فلوس قبلها وقالت الباقي لما يطلقها ويرميها بفضيحة متنسهاش عمرها، ومكنتش موافق الأول، لحد ما أقنعتني إنك مبتحبهاش ومستني فرصة تخلص منها
أمه عملت حركة قديمة
لكن سيف لأول مرة يوقفها عند حدها وبص لها بصة منسهاش أبدا، بصة المصدوم في أمه ، اللي كان بيثق فيها ثقة عميا
لكنه وقفها بكلمة واحدة قالها الكلام خلاص انتهى، كنا بصدقك كل مرة لكن المرة دي الدليل قدامي في الفيديو والراجل اللي انتي اجرتيه، هان عليكي تخربي بيتي وتفضحي مراتي وتضحي بابني الجاي
حاولت أمه تبرر له أنا كنت عاوزه اكسفهالك على حقيقتها، اسمعني بس
وقتها سبتهم ودخلت اوضتي ، الم هدومي، ساب أمه وجرا ورايا
علا علا حب عمري، ازاي هتتخلي عني وتمشي
مقدرتش ابص له ، بدأت ألم هدومي وأنا بقوله
أنت السبب، أنت مكنتش بتصدقني، ووصلتنا لكده، كان كلام أمك عندك سيف على رقبتك، وعمرك ما صدقت كلامي عنها، لحد ما شفت بعينك
ياعلا ، مش كده متظلمنيش وتظلمي ابننا الجاي
لا يا سيف انت اللي ظلمت نفسك بضعفك، أنت كنت ضعيف وكل لما اشتكي تقولي
ومسمي ضعفك بر وإحسان، لكن بعد النهارده معنتش أقدر استحمل كل الإهانات دي، بيت أبويا أولى بيا ، وهسيبك لأمك تشبع منك ومن فلوسك
خرجت شايلة الشنطة بعد ما الكل عرف الحقيقة بصيت لهم وقلت لهم
العصير اللي حماتي حطت فيه المخدر كان أهون بكتير من المنوم اللي انتم كل يوم بتنيموا بيه قلوبكم ولسانكم عن الحق، كنتم بتسكتوا وهي بتهيني وتطعن في شرفي، وفيه منكم اللي كان مصدق كلامها عني وإني طمعانه فيكم وفي فلوسكم، لكن أنا هسيب لكم الجمل بما حمل وأخرج بابني أولده في مكان أنضف من بيتكم
لكن سيف جرا ورايا حاول يوقفني، قالي مينفعش تخرجي من البيت، أنا هخرج أمي في بيت تاني، ومعدش لها علاقة بيكي، لكن كلامي له معدش ينفع خلاص، بعد ايه، الفرص انتهت، ولازم اسيب البيت ده اللي مشفتش فيه غير كل إهانة وذل وتجريح
روحت بيت أهلي، بس وأنا واثقة إني خدت حقي ورديت كرامتي، وقبل ما يسألوني
قلت له أنا مكنش ينفع استنى يا بابا بعد إهانتهم ليا،
قعدت حكيت له ووريت له كل حاجه، وطلبت منه ميحاولش يرجعني لسيف تاني، عاوزاه بس يخلص معايا الاجراءات
فات اسابيع وشهور وسيف مبطلش يحاول يصالحني، حاول بكل الطرق لكني مكنتش مستعدة ارجع له تاني، ولا اشوف حد من العيلة دي، حتى لما عرفت ان حماتي تعبت بعد الموقف اللي حصل معايا وفضيحتها قدام الناس، فقدت النطق بس مصعبتش عليا بعد اللي ورتهوني وفضيحتها بقت على كل لسان يقولوا اللي جابت لمراة ابنها راجل غريب اهي
سيف بعد الحاح، افق على الطلاق عند المحامي
قعد يحاول معايا وطلب اسامحه سألني
مش هتسامحيني، ونرجع بيتنا بقى
رديت
أنا وافقت يا سيف إني أقابلك عشان اطلق، المسامحة دي لربنا لكن أنا كل اللي عاوزاه انك تكون أب حقيقي، لانك معرفتش تكون زوج حقيقي
خرجت من قدامه وأنا اقوى ، ومعنتش هسمح لحد تاني يهيني.
وهربي ابني يكون مش محتاج لحد
يكتفي بنفسه وبس.
مشيت وحاسة اني كسبت نفسي ، وان خسارة الناس اللي
النهاية
