متجوزة بقالي سنة وجوزي كل أسبوع حكايات رومانى مكرم

زوجته ستجعله يبدو نذلًا أمام رجل لم يرَ منه إلا كل خير، وفي نفس الوقت، نظرات أمه كانت تطالبه بطرد أهل مروة فورًا.
تنحنح والد مروة وهو يشعر بالتوتر السائد، وقال بأدب جم
والله يا جماعة إحنا جينا بناءً على كلام مروة إن إبراهيم مصمم، ولو كنا نعرف إنكم متجمعين لوحدكم كنا أجلناها.. إحنا أهل ومفيش بيننا الكلام ده.
هنا تدخل شقيق مروة الأكبر أحمد، وكان شابًا ذكيًا يلاحظ نظرات إبراهيم القاتلة لشقيفته، فقال وعينه مثبتة في عين إبراهيم
لا يا عمي تأجلها ليه؟ إبراهيم راجل كريم وأكيد يفرح لما يلاقي حماته وحماه على سفرته زي ما أمه وأخواته منورين البيت كل أسبوع.. ولا إيه يا هيما؟
اضطر إبراهيم تحت الضغط المحكم أن يرسم ابتسامة صفراء على وجهه وقال بصوت مخنوق
طبعًا.. طبعًا يا أحمد، منورين.. اتفضلوا سموا الله وكلوا.
بدأ الجميع في تناول الطعام، لكن الأجواء كانت مشحونة لدرجة أن صوت الملاعق كان يرن في أرجاء الشقة كطلقات الرصاص. كانت مروة تطوف حول السفرة، تضع أفضل قطع اللحم الضاني في طبق أبيها وأمها، وتنظر لحماتها وبناتها قائلة
كلوا يا بنات.. امسحوا إيديكم في الفوط براحتكم، البيت بيتكم.. واللقمة اللي تطلع من بيتنا لأهلنا بالدنيا، إحنا مبنستخسرش في الغاليين لقمة، ومبنحسبهاش بالقرش والمليم.
كانت كل كلمة تنطق بها مروة بمثابة طعنة مبطنة لإبراهيم ولأمه. الحماة لم تحتمل منظر مروة وهي تسيطر على الجلسة، فقامت فجأة من على السفرة وقالت بغضب
أنا شبعت.. الأكل ملوش طعم النهاردة واللمة دي مش مريحانى. يلا يا بنات نقوم نمشي، ونشوف إبراهيم بيه لما يقعد لوحده هيعمل إيه.
وقف إبراهيم بسرعة محاولًا استرضاء أمه
استني بس يا أمي.. ميرضيكيش كده!
لكن الحماة وبناتها تدافعن نحو الباب وخرجن وهن يضربن الأقدام بالأرض بعنف. التفت والد مروة لابنته وزوجها وقال بقلق
ليه كده يا بني؟ زعلتوا أمكم ليه؟ لو كان وجودنا ضايقهم إحنا نمشي حالا.
قالت مروة وهي تمسك يد أبيها وتقبلها أمام إبراهيم
لا يا بابا.. هما متعودين يمشوا بدري عشان ساكنين في نفس الشارع، كمل أكلك يا حبيبي بالهنا والشفا.
انتهت العزومة الثقيلة، وغادر أهل مروة بعد أن شكروا إبراهيم الذي كان يودعهم بجسد يرتعش من فرط الغيظ والغضب المكبوح. وما إن أُغلق الباب وراءهم، حتى التفت إبراهيم نحو مروة وعيونه تطلق شررًا، وتقدم نحوها بخطوات سريعة وصوته يخرج كالفحيح
إنتي كسرّتي كلامي وعزمتي أبوكي وأمك؟ وكمان طفشتي أمي وأخواتي من بيتي؟ أنا هوريكي مائدة الرحمن دي هعمل فيكي وفي أهلك إيه النهاردة!
رفعت مروة رأسها، ولم تتراجع خطوة واحدة للوراء، بل نظرت في عينيه ببرود شديد وقالت
أعلى ما في خيلك اركبه يا إبراهيم.. والي جاي هيخليك تلف حوالين نفسك.
الجزء الرابع ليلة كسر القيود
تراجعت خطوتان إلى الخلف وهي تنظر إلى وجه إبراهيم المحتقن، لم تكن خائفة، بل كانت تشعر بنوع من النشوة والانتصار لأول مرة منذ سنة كاملة. صراخه الذي كان يزلزل جدران الشقة في الماضي، بات الآن بالنسبة لها مجرد ظاهرة صوتية لرجل جُرد من أسلحته.
اندفع إبراهيم نحوها، وعروق عنقه بارزة كالندوب، ورفع أصبعه في وجهها مهددًا بصوت يرتجف من الغيظ
إنتي بتهدديني يا مروة؟ إنتي؟! البنت الغلبانة اللي جيت بيت أبوها لقيتهم مش عارفين يجهزوا جهازها؟ أنا اللي عملت لك قيمة، وأنا اللي خليت لك حس في الدنيا! تقومي تتفقي مع أهلك وتعملي عليا كمين في بيتي؟ وتطردي أمي وأخواتي؟
ضمت مروة كفيها إلى صدرها ببرود شديد، ونظرت إلى صبعه المرفوع ولم ترمش، ثم قالت بنبرة هادئة قاتلة
أبويا طفح الدم عشان يجوزني يا إبراهيم، ومستخسرش فيا لقمة ولا قرش، والجهاز اللي مش عاجبك ده أبويا لسه بيسدد في أقساطه لحد النهاردة من صحته ونور عينيه. وأنا مطردتش أمك.. أمك هي اللي مش قادرة تشوف حد من طرفي بياكل في البيت، عشان هي واخدة على الأخذ مش العطاء. وافتكر كويس.. أنا مكسرتش كلامك، إنت قولت لي بكرة أمي وأخواتي جايين وعايز فخدة ضاني ومش عايز فضايح.. وأنا عملت الفخدة ومنعت الفضايح قدام جوز أختك وأبويا، إنت بقى اللي كنت عايز تعمل فضيحة؟
جن جنون إبراهيم من منطقها المفحم، شعر أن هيبته قد دُيست بالأقدام، فصرخ بعنف
أنا حلفت عليكي يمين طلاق امبارح لو جبتي سيرة أهلك أو عزمتيهم.. والنهاردة إنتي عزمتيهم ودخلتيهم بيتي ورجلي على رقبتي! اليمين وقع يا مروة.. إنتي طالق! طالق بالتلاتة، ومش عايز أشوف وشك في البيت ده دقيقة واحدة، غوري على بيت أبوكي خليهم ينفعوكي بموائد الرحمن بتاعتهم!
لم تسقط دموع مروة هذه المرة، ولم تلطم خديها، ولم ترتمِ عند قدميه تترجاه لئلا يخرب بيتها. بل انطلقت من بين شفتيها ضحكة خافتة، ضحكة باردة جعلت جسد إبراهيم يقشعر دون أن يدري. تراجعت إلى الكرسي وجلست، ووضعت رجلًا فوق الأخرى، ونظرت إليه بقوة وقالت
طالق؟ طيب كتر خيرك يا إبراهيم.. وفرت عليا مشوار المحاكم والقضايا. بس الظاهر من كتر العصبية، مخك فوت ومبقتش تجمع.
عقد إبراهيم حاجبيه بذهول واستنكار وقال
مخي فوت؟ إنتي اتجننتي يا بت؟ بقولك طالق! اطلعي برة بيتي حالا!
وقفت مروة واقتربت منه حتى أصبحت المسافة بينهما خطوة واحدة، وقالت بعينين تلمعان بالشماتة
بيتك؟ بيت مين يا إبراهيم؟ إنت نسيت إن الشقة دي إحنا مأجرينها قانون جديد؟ ونسيت الأهم من كده.. إن عقد الإيجار ده مكتوب باسمي أنا؟
وقع الكلمة على إبراهيم كالصاعقة، تراجع خطوة للخلف وهو يبرق بعينيه، وحاول أن يتذكر تفاصيل كتابة العقد قبل سنة. تابعت مروة وهي تبتسم بنصر
نسيت لما جيت تمضي العقد مع صاحب البيت، وكنت لسه مخلص فلوسك في الشبكة والدهب، وصاحب البيت طلب وصل أمانة كضمان وضامن يوقع معاه، وأبويا هو اللي جه ومضى ضامن، وكتبنا العقد باسمي عشان أبويا هو اللي دفع مقدم الإيجار وست شهور قدام؟ إنت ناسي يا إبراهيم؟
بدأ التوتر يظهر على وجه إبراهيم، وأخذ يتلعثم
ولو باسمك! أنا الراجل وأنا اللي بدفع الإيجار كل شهر!
قالت مروة وهي تتجه نحو غرفة النوم
كنت بتدفع.. إنما دلوقتي، إنت قولت لي طالق.. يعني مبقاش ليكي صفة في البيت ده. الشقة دي شقتي بقوة القانون، وعقدها باسمي، والفرش اللي فيها كله بتاعي وبتاع أبويا ومكتوب في القائمة بالحرف الواحد.. الشقة دي طالما أنا طالق، يبقى إنت اللي تاخد هدومك في كيس أسود وتطلع برة حالا، وتروح تقعد مع أمك وأخواتك في نفس الشارع.. خليهم بقى يعملوا لك فخدة ضاني كل خميس!
اندفعت مروة إلى الغرفة، وأخرجت حقيبة ملابس كبيرة، وقامت بفتح الخزانة وبدأت تلقي بملابس إبراهيم بعشوائية على الأرض وهي تصيح بصوت عالٍ ليسمعه
يلا يا إبراهيم.. وريني طولك، اخرج برة شقتي بكرامتك، عشان لو مخرجتش دلوقتي، أنا هكلم أبويا وأخويا أحمد اللي لسه مالحقوش يوصلوا لآخر الشارع، وهخليهم ييجوا يخرجوك بالطريقة اللي تليق بيك!
وقف إبراهيم في الصالة متسمرًا، ينظر إلى ملابسه التي تتناثر على الأرض، ويستمع إلى تهديدها. شعر لأول مرة أن الأرض تهتز تحت قدميه، وأن مروة الغلبانة قد تحولت إلى إعصار مدمر قادم ليأخذ الأخضر واليابس. في تلك اللحظة، رن هاتفه المحمول، وكان المتصل.. أمه.
نظر إبراهيم إلى شاشة هاتفه التي تضيء باسم أمي، ثم نظر إلى باب غرفة النوم حيث كانت مروة تقف وبيدها حقيبة ملابسه الفارغة، وعيناها ترميانه بنظرات صلبة لا تلين. كان صوت رنين الهاتف في صمت الصالة يشبه دقات ساعة تنازلية لانفجار وشيك.
أجاب إبراهيم بصوت متحشرج يحاول إخفاء رعشته
أيوة يا أمي.. أيوة، وصلتوا؟
جاءه صوت أمه عبر السماعة حادًا، مرتفعًا وممتلئًا بالغل، لدرجة أن مروة سمعت كل كلمة وهي واقفة على بعد خطوات
وصلنا إيه يا فالح؟! إحنا لسه تحت بيتكم مروحناش! بقى حتة البت دي تعمل فينا كده يا إبراهيم؟ وتجيب أهلها يشاركونا في الأكل اللي إنت دافع دم قلبك فيه؟ وتلقح علينا كلام في الرايحة والجاية؟! طردتنا يا إبراهيم عيني عينك وأنت واقف زي اللوح ومستني لما نلم هدومنا ونمشي؟ لو ما جيتش حالا وطلقتها ورميت هدومها في الشارع، لا أنا أمك ولا أعرفك ليوم الدين!
بلع إبراهيم ريقه، ونظر إلى مروة التي لم يهتز لها جفن، بل ابتسمت بسخرية وأشارت له بسبابتها نحو الباب، وكأنها تستعجله الخروج. تنحنح إبراهيم وقال لأمه بنبرة حاول أن يجعلها جهورية
أمي.. امسحيها فيا أنا، أنا خلاص طلقتها حالا ووقعت اليمين!
صاحت أمه بتهليل وشماتة سمعتها أخواته اللاتي بدأن يزغردن في الشارع أسفل البلوف
عفارم عليك يا ابن بطني! هو ده ابني السبع اللي ميرضاش بالدنية! ارمي لها بقى حاجتها وخلّي أبوها ييجي يشيلها في قفص طماطم، وانزل لنا عشان نطلع شقتنا نقعد براحتنا!
هنا، لم تنتظر مروة. خطت خطوات سريعة ونزعت الهاتف من يد إبراهيم المذهول، ووضعته على مكبر الصوت، وصاحت بنبرة هزت أرجاء الشقة
اسمعي يا حماتي.. اسمعي كويس إنتي وبناتك والزغاريط اللي شغالة تحت دي! إبراهيم فعلاً طلقني، وبما إنه طلقني، والشقة دي إيجارها باسمي وباسم أبويا الضامن، فالشقة دي من اللحظة دي شقتي أنا! وابنك السبع اللي فرحانة بيه ده، أنا دلوقتي حالا بلم له هدومه في أكياس زبالة عشان أرميه برة الباب! خدو الزغاريط بتاعتكم بقى واطلعوا استقبلوه في الشارع، عشان من النهاردة مفيش شقة، ومفيش فخدة ضاني، ومفيش مائدة رحمن لأبنك يمد إيده عليها!
أغلقت مروة الخط بعنف في وجه الحماة قبل أن تنطق بكلمة، والتحم الصمت من جديد في الصالة، لكنه كان صمتًا يسبق العاصفة الكبرى.
التفتت مروة إلى إبراهيم وقالت بصوت حاسم كالسيف
خمس دقائق يا إبراهيم.. لو ملمتش الباقي من كرامتك وأخدت شنطتك وطلعت برة، أنا هفتح الباب وأصوّت وألم عليك الشارع كله، وأقول الحرامي جوه الشقة، وهخلي أهلك الواقفين تحت يتفرجوا على زفتك وإنت نازل في إيد الجيران.. أخلص!
شعر إبراهيم بالدم يغلي في عروقه، تملكته رغبة عارمة في الاندفاع نحوها وضربها، لكنه تذكر فجأة شقيقها الأكبر أحمد وبنيته القوية، وتذكر أن صاحب العقار رجل صارم وصديق لوالد مروة، وأن القانون في صفها تمامًا طالما العقد باسمها. انكسر جبروت إبراهيم في لحظة واحدة، وتحولت نظراته إلى انكسار وخزي.
انحنى على الأرض يجمع قمصانه وبنطلوناته بيدين ترتعشان، ووضعها داخل الحقيبة كيفما اتفق، ومروة واقفة فوق رأسه تتابع المشهد ببرود تام. سحب سحاب الحقيبة بعنف، ووقف ونظر إليها وعيونه حمراء من كثرة الغيظ المكبوت وقال
ماشي يا مروة.. الشقة والفرش