عامله بوفيه ولكن بقلم مشيره محمد

كان فاكرها مجرد ساعية في الشركة، بنت غلبانة بتعمل قهوة وتمسح المكاتب.
لما تورط في كارثة وهتضيع منه صفقة العمر، ملقاش غيرها قدامه عشان تمثل دور زوجته الأرستقراطية
لمدة ساعتين بس قدام الوفد الإيطالي.
شرطه كان واحد البسي الفستان ده، واعملي نفسك خرساء.. أوعي تنطقي كلمة تبوظي البريستيج
بس اللي ليلى عملته لما الوفد الإيطالي بدأ يتكلم عليها بلغتهم وهما فاكرينها مش فاهمة.. خلى آدم ينسى الصفقة وينسى اسمه من الصدمة!
صوت تحطم الزجاج هز أركان المكتب الفاخر في الطابق الأربعين.
صرخ آدم الصياد، صاحب أكبر إمبراطورية هندسية في الشرق الأوسط، وهو بيرمي ملف الصفقة على الأرض
يعني إيه مش جاية؟! أنت مجنون يا خالد؟ الوفد الإيطالي طيارته هتهبط كمان ساعتين!، الصفقة دي لو ضاعت الشركة هتعلن إفلاسها بكرة الصبح!
خالد، مساعده الشخصي، كان بيرتعش وهو بيعدل نظارته
يا آدم باشا، خطيبتك.. أقصد اللي كانت خطيبتك، قفلت تليفونها وسافرت الجونة. قالت مش هتحضر عشا عمل ممل وتلعب دور الزوجة المحبة وأنت لسه مأجل الفرح للمرة العاشرة.
آدم مسك دماغه وحس إن الدنيا بتلف بيه. سنيور ماركو، المستثمر الإيطالي العجوز، راجل تقليدي جداً. شرطه الوحيد لتوقيع عقد مدينة الشمس كان إنه يتعامل مع رجل عائلة مستقر، مش شاب طايش بتاع ستات. العشا الليلة كان معمول عشان آدم يقدم له زوجته ويمضوا العقود.
مشيره محمد
آدم جز على سنانه اتصرف يا خالد! هاتلي أي

حد.. ممثلة، موديل، أي مصيبة!
خالد رد بيأس مستحيل في الوقت ده.. ولو جبنا ممثلة مشهورة الصحافة هتفضحنا إنها مش مراتك.
في اللحظة دي، الباب خبط خبطات خفيفة ومهزوزة.
دخلت بنت بملابس واسعة وبهتانة، وشعرها مخفي تحت حجاب بسيط مبهدل شوية، وشايلة صينية قهوة وباصة في الأرض كعادتها.
القهوة يا فندم وآسفة لو جيت في وقت مش مناسب، بس حضرتك ما طلبتش الغدا و
آدم بصلها بجمود، كان هيطردها، بس فجأة عينه لمعت بفكره شيطانية وهو بيبص لملامحها الهادية وجسمها اللي الملابس الواسعة مخبياه.
قام من مكانه وقرب منها بخطوات سريعة خلتها ترجع لورا بخوف والصينية بتتهز في إيدها.
آدم بجدية مخيفة أنتِ اسمك إيه؟
البنت بصوت واطي ل.. ليلى يا فندم. بشتغل في البوفيه بقالي شهرين.
آدم لف ل خالد وقال ببرود خالد.. خد ليلى فوراً على أكبر بيوتي سنتر، واشتري أفخم فستان سهرة موجود في القاهرة.. وتكون جاهزة خلال ساعة ونص.
يلى فتحت عينيها بصدمة أفندم؟! فستان إيه حضرتك؟ أنا
قاطعها آدم بنبرة حادة وصارمة أنتِ هتنفذي اللي بقوله بالحرف وهتاخدي مكافأة تعيشك ملكة أنتي وأهلك عشر سنين قدام. الليلة دي بس.. هتكوني مدام آدم الصياد.
ليلى حاولت تعترض، بس نظرة آدم النارية خرستها.
كمل كلامه وهو بيبصلها بتحذير اسمعي كويس.. هتقعدي جنبي، تبتسمي، وتهزي راسك وبس. ممنوع.. ممنوع تنطقي بكلمة واحدة. سنيور ماركو راجل دقيق، وأي كلمة سوقية أو غلطة في الإتيكيت هتكشفنا وتدمرني. فاهمة؟
ليلى بلعت ريقها بصعوبة، بصت لعينيه اللي مليانة يأس وغرور في نفس الوقت، وهزت راسها بالموافقة وهي مش عارفة هي بتورط نفسها في إيه.
مشيره محمد
بعد ساعتين في أفخم مطعم إيطالي على النيل
آدم كان واقف بيعدل الكرافتة بتاعته، ومتوتر جداً. فجأة، وقفت عربية الليموزين ونزل منها خالد، وفتح الباب الخلفي.
اللحظة اللي نزلت فيها ليلى، آدم حس إن أنفاسه اتسرقت منه.
مبقتش هي دي بنت البوفيه!
فستان أسود مخملي طويل، ميكب بسيط مبرز ملامحها الأرستقراطية الغريبة، وقفتها كانت ثابتة وفيها شموخ غريب مش لايق على واحدة وظيفتها تلم الفناجين.
قربت منه، ولأول مرة ترفع عينها في عينه بقوة.
آدم همس بذهول حاول يخفيه مش بطال.. فاكرة التعليمات؟
ليلى هزت راسها بصمت.
دخلوا المطعم، وكان سنيور ماركو ومساعده الشاب لوكا في انتظارهم.
الترحيب كان حار، وآدم قدم ليلى على إنها زوجته وشريكة حياته.
طوال العشا، ليلى نفذت التعليمات بالحرف. ابتسامة هادية، أكل بالشوكة والسكينة بإتيكيت عالي أدهش آدم نفسه، وصمت تام.
لحد ما وصلوا للقهوة.
الجو بدأ يتكهرب. آدم كان بيحاول يقنع ماركو ببنود العقد، لكن ماركو كان بيبص ل ليلى بنظرات غريبة.
فجأة، لوكا مساعد المستثمر مال على ماركو واتكلموا بالإيطالي بسرعة وبصوت واطي، وهما واثقين إن محدش على الترابيزة بيفهم إيطالي غيرهم لأن آدم بيتعامل معاهم بالإنجليزي.
لوكا قال بالإيطالي بسخرية وخبث
Signore Marco guarda questa donna. È bella ma sembra vuota.. come una bambola. Credo che possiamo ingannare questo stupido marito facilmente. Mettiamo la clausola penale nascosta a pagina 15 non capiranno nulla.
سيدي ماركو، انظر لهذه المرأة. جميلة لكنها تبدو فارغة.. مثل الدمية. أعتقد أننا يمكننا خداع هذا الزوج الغبي بسهولة. لنضع الشرط الجزائي المخفي في صفحة 15، لن يفهموا شيئاً.
ضحك ماركو بسخرية وقال بالإيطالي
Sì.. sembra che il signor Adham abbia scelto una moglie solo per laspetto. Firmerà la sua condanna a morte stasera.
نعم.. يبدو أن السيد آدم اختار زوجة للمظهر فقط. سيوقع على وثيقة إعدامه الليلة.
آدم كان مبتسم بتوتر، مش فاهم هما بيضحكوا على إيه، وكان لسه هيمد إيده ياخد القلم عشان يمضي العقد اللي هيدمر شركته من غير ما يعرف.
في اللحظة دي.. حصل اللي وقف الزمن.
يد ناعمة اتحطت فوق يد آدم ومنعته يمسك القلم.
آدم بصلها بغضب مكتوم وعينيه بتقول بتعملي إيه يا مجنونة؟!.
لكن ليلى مابصتلوش.
ليلى رفعت عينيها ل ماركو و لوكا، وابتسامتها الهادية اتحولت لنظرة حادة، مليانة ثقة وقوة مرعبة.
وفتحت بقها، واتكلمت.. بس مش بالعربي.
قالت بلهجة إيطالية سليمة ونقية جداً، خلت المساعد يوقع كاس المية من إيده من الرعب
Mi scusi Signore Marco.. Ma prima che mio marito firmi la sua condanna a morte come lavete chiamata vorrei discutere la clausola nascosta a pagina 15.
عذراً