خادمه لاخت زوجي بالاجبار ولكن بقلم اماني سيد
المحتويات
التسجيل اللي فيه أمه وهي بتقول هناء خدت فلوس المغسلة جابت بيها طقم خروج ونورا تغسلهم بلاش.
نزل حازم من التاكسي ووشه ميتفسرش، لقى هناء واقفة بتصوت وتلطم على السجادة الحمراء اللي ألوانها ساحت وبقت شبه الخريطة يا مصيبتي يا حازم! الحق السجادة اللي دافعين فيها دم قلبنا نورا بوظتها! الكلور أكل الوبرة يا حازم!.
حماتي طلعت تجري وهي بتولع فيا بنظراتها منك لله يا نورا! ده إنتي قصدك تخربي بيت البت! السجادة بآلافات، إزاي تحطي عليها كلور خام؟.
محمود صحي على الزيطة، ونزل بجلابيته وهو شادد دراعه إيه اللي هببتيه ده يا نورا؟ أنا جايب سجاد أختي عشان تنظفيه ولا عشان تقطعي رزقها؟ وحياة أمي ما هعديلك اليوم ده!.
محمود رفع إيده وكان لسه هيضربني، فجأة إيد حازم جوز هناء مسكت إيده في الهوا ولواها وراه.. حازم بص لمحمود بنظرة قرف وقال بصوت هز البيت نزل إيدك يا محمود.. نورا ما عملتش حاجة غلط، الغلط من أوله لآخره عند الهانم مراتي وأمك!.
هناء برقت وقالت إنت بتقول إيه يا حازم؟ السجادة باظت!.
حازم طلع موبايله وشغل التسجيل قدام الكل، وصوت حماتي رن في الشارع وهي بتقول إن هناء لهفت فلوس المغسلة وشغلت نورا خدامة.. حازم بص لهناء وقالها بقى أنا مديكي
حماتي اتلجلجت وقالت يا حازم يا ابني، دي نورا متعودة تخدمنا، والبيت بيتها...
حازم قاطعها بصرخة البيت بيتها مش سجنها! نورا مش خدامة عند حد، والبيت اللي أصوله ضايعة كدة ميتعاش فيه.. السجادة اللي باظت دي تمن قلة أصلك يا هناء، وعوض لنورا عن تعبها اللي سرقتي تمنه!.
بصيت لمحمود اللي كان واقف مذهول ووشه في الأرض، وقلت ببرود سمعت يا محمود؟ جوز أختك اللي غريب طلع عنده دم وأصول أكتر منك.. السجاد المنشور ده مش هيطلع من هنا إلا لما حازم ياخده يرميه في الزبالة، وتمن السجادة اللي باظت، هناء هتردهولي مليم ينطح مليم تمن وقفتي وتعب ضهري، وإلا والله لأكون عند أهلي النهاردة والكل يعرف إنك مشغلني خدامة لأختك!
محمود وقف مذهول، عينه بتروح بيني وبين حازم اللي لسه ماسك إيده وكأنه بيأدب عيل صغير. أمه حماتي شهقت وبدأت تلطم على صدرها يا فضيحتي يا حازم! بقى بتصدق الغريبة وتكذب عيلتنا؟ دي نورا اللي سوسة وسجلت لنا عشان توقع بينك وبين هناء! البت هناء كانت بتهزر يا ابني، والفلوس اللي خدتها دي كانت
حازم زق إيد محمود بقرف وبص لحماتي وقالها عيدية إيه يا ست أم محمود؟ أنا دافع تمن غسيل السجاد ده بإيدي، والرسالة اللي نورا بعتتها بتقول إن بنتك بتشتري طقم خروج وتشغل مرات أخوها خدامة! الأصول ما بتقولش كدة، والبيت اللي بنته تتهان فيه عشان تخدم أهله، ما يشرفنيش إني أكون نسيبه!.
هناء صرخت بصوت عالي وهي بتبص لنورا بغل إنتي يا خطافة الرجالة؟ بتوقعي بيني وبين جوزي؟ وحياة أمي ما هسيبك، السجادة دي تمنها هيدفع غصب عنك، ومحمود هيطلقك ويرميكي في الشارع بالهدوم اللي عليكي!.
نورا ضحكت ضحكة باردة وقربت من هناء وقالت لها يطلقني؟ يطلقني عشان بوظت سجادة إنتي سرقتي تمن غسيلها؟ ولا يطلقني عشان أنا اللي شايلة بيت أمه وأبوه وهو قاعد يتفرج؟ محمود لو نطق بكلمة طلاق واحدة، هروح القسم بالتسجيل ده وبشهادة جوزك حازم، وهطالبه بكل مليم حطيته في البيت ده من دهبي وشقايا.. والبيت ده بتاعي قانوناً يا هناء، يعني إنتي وأمك اللي هتترموا في الشارع!.
محمود وشه بقى لونه أزرق، وبص لنورا بخوف وقال نورا.. اهدي بس، إحنا أهل وما ينفعش الكلام ده يخرج بره...
نورا قاطعته بصرخة هزت الشارع أهل؟ الأهل ما بيشغلوش بعض سخرة! الأهل ما بياكلوش حق بعض! إنت
حازم بص لهناء بجمود وقال السجاد ده هيفضل هنا يا هناء.. مش داخل بيتي تاني، لإنه اتغسل بذل ست تانية. وإنتي.. اطلعي لمي هدومك، عشان مش هقعد معاكي في بيت واحد لحد ما تعرفي يعني إيه أصول وتعتذري لنورا قدام الكل!.
هناء وقفت بصلف، وشها محقون بالغل، وبصت لحازم وقالت بصوت مفزوع ووقح في نفس الوقت أعتذر لمين يا حازم؟ أعتذر للخدامة دي؟ دي طول عمرها بتغسل شراباتنا، جاية دلوقتي تعمل ست هانم؟ والله ما أنا معتذرة، وأعلى ما في خيلك اركبه!.
حازم بص لها بقرف، وكأنه بيشوفها لأول مرة على حقيقتها، وقال بكلمة واحدة هزت حيطان البيت انتي طالق يا هناء.. طالق بالتلاتة. البيت اللي أهله ما بيعرفوش الأصول وما بيكرموش اللي بيخدمهم، ما يشرفنيش أدخله.. خدي سجاجيدك المبهوقة دي وافرشيها في بيت أمك، لإنك مش راجعة ذمتي تاني!.
حازم ساب البيت ومشي، والسكوت حلّ للحظة، وفجأة هناء رقعت بالصوت ولمت الجيران يا خرابي! بيتي اتخرب بسببك يا بومة! يا محمود أختك اطلقت والسبب الحرباية دي!.
محمود عينه اسودت، وبص
متابعة القراءة
