جوزي حذف كنكه القهوة في وشي بقلم روماني مكرم

للطريق.. هل هساعد اللي حرقت قلبي عشان خاطر طفل ملوش ذنب؟ ولا هكمل في طريقي وأسيبهم ياكلوا بعض؟
بصيت ل نجلاء وهي مرمية تحت رجلي في الشارع، منظرها كان يصعب على الكافر، بس الحرق اللي في خدي كان بيفكرني إن اللي يصعب عليه سيد وأخته يستاهل اللي جرى له. سحبت إيدي من قبضتها بقوة وقلت لها بجمود ابنك ملوش ذنب يا نجلاء، بس إنتي وأخوكي اللي رميتوه في النار دي لما فتحتم بابكم للحيتان.
نجلاء صوتها كان بيقطع من الشهق والله ما كنت أعرف إن الموضوع فيه خطف! سيد قال لي دي قرشينات من الشغل وهنشيلها في حسابك عشان نأمن مستقبلنا.. أبوس رجلك يا نور، وصلينا للحوت وقولي له الفلوس فين!
في وكر الحوت
أخدت نجلاء في عربيتي وطلعت على مكان تارة المفضل.. تارة مش بس صاحبة، دي بنت بلد وعارفة خبايا مصر القديمة. كلمنا حد واصل وعرفنا إن الحوت ده يبقى المعلم بركات، مقاول توريدات تقيل، وله مخزن في منطقة معزولة ورا المقطم.
روحت هناك لوحدي، وسبت نجلاء وتارة في العربية بعيد. دخلت المخزن وصوت جزماتي بيضرب في الأرض ببرود مرعب. المعلم بركات كان قاعد وراه مكتب خشب أبانوس، وحواليه رجالة شر باين في عينيهم.
بركات ضحك ضحكة هزت كروشه أهلاً بالست اللي قلبت الدنيا.. اللابتوب اللي قلتي عليه نسخة تقليد طلع فعلاً فاضي يا نور. بس تفتكري اللعبة دي هتمشي عليا؟
قعدت قدامه وحطيت رجلي على رجلي اللعبة مش تمثيل يا بركات.. سيد غفلك وغفل أخته. الفلوس اللي إنت بتدور عليها مش في حساب نجلاء، ولا في اللابتوب. سيد حولها ل عملات رقمية وشفرتها معايا أنا.. يعني من غير الكود اللي في دماغي، ملايينك بقت مجرد أرقام ملهاش لزمة.
بركات وشه احمر وعروقه برزت والولد اللي عندي؟ مش فارق معاكي؟
رديت ببرود الولد يرجع لأمه حالاً، وسيد يخرج براءة في قضية الاختلاس بشهادة منك إنها كانت غلطة حسابية.. وساعتها تاخد كود المحفظة وتاخد فلوسك وتغوروا كلكم من حياتي.
الغدر المتبادل
بركات شاور لرجالة يجيبوا الولد.. نجلاء دخلت تجري عليه وهي بتصرخ، بس في اللحظة دي، سمعنا صوت سرينة بوليس بتقرب!
بركات اتجنن غدرتي بيا يا بت ال؟
قلت له وأنا ببتسم أنا مغدرتش، بس تارة صاحبتي مبيتبلش في بوقها فولة، وبلغت عن مخزن سلاح مش عن خطف.. عشان الحكومة تيجي بجد!
في وسط الهرج والهرج، بركات هرب من الباب الخلفي، والبوليس قبض على الرجالة. نجلاء خدت ابنها وجريت، وأنا وقفت في نص المخزن، لقت كرتونة مفتوحة في الركن.. كانت فيها ساعة أمي الغالية ودهبي اللي سيد سرقه!
النهاية المشوهة
بعد اسبوع
سيد خرج من الحجز على ذمة التحقيق بعد ما المحامي لعب اللعبة صح. قابلته قدام باب القسم، كان باين عليه الكسرة، بس عينه لسه فيها غل.
قرب مني وقال بهمس خدتي كل حاجة يا نور.. العفش، الدهب، وحتى بركات علمتي عليه. بس الكود اللي قلتي عليه لبركات.. ده حقيقي؟ إنتي فعلاً معاكي الفلوس؟
بصيت له وضحكت بأعلى صوتي فلوس إيه يا أهبل؟ أنا لا أعرف يعني إيه عملات رقمية ولا نيلة.. أنا ألفت الفيلم ده عشان أخرج ابن أختك وأرجع دهبي. إنت طلعت عبيط بجد يا سيد!
سيد اتجنن وبدأ يلطم على وشه، بس الصدمة الكبيرة كانت لما لقى نجلاء واقفة بعيد، ومعاها شنطها، وبتقول له أنا ماشية يا سيد.. أنا بعت نصيبي في بيت أبويا ل نور عشان تسحب المحاضر اللي عليا وتسبني أربي ابني!
سيد وقع على ركبه في الشارع، وأنا ركبت عربيتي ومشيت.. بس وأنا ببص في المراية، شفت عربية سودة ماشية ورايا من ساعة ما خرجت من القسم.. عربية بركات!
الطلقة اللي خرمت إزاز العربية مكنتش عشان تموتني، كانت رسالة تحذير إن الحوت لما بيجوع بياكل الأخضر واليابس. وقفت العربية في نص الطريق والصدمة لجمت لساني، بس اللي رعبني بجد هو منظر سيد وهو بيترمي من العربية السودة قدام عيني، وشه غرقان دم وجسمه بيترعش.
بركات نزل من العربية بهيبته المرعبة، ووقف فوق راس سيد وقال بصوت زي فحيح الأفاعي المدام بتقول إنها متعرفش حاجة عن الفلوس يا سيد.. يعني إنت كنت بتغفلني؟ ولا إنت وهيا عاملين التمثيلية دي عشان تاخدوا الورث والفلوس وتخلعوا؟
سيد زحف لحد رجلي ومسك في جزمتي وهو بيبكي والله يا نور قولي له الحقيقة! قولي له إنك نصبتي عليا في الحكاية دي عشان تنقذي ابن نجلاء! هيموتني يا نور!
الثبات الانفعالي
بصيت لبركات وعيني منزلتش من عليه سيد مكدبش عليك يا بركات.. أنا اللي ألفت قصة العملات الرقمية عشان أخرج طفل ملوش ذنب. والفلوس اللي إنت بتدور عليها، سيد صرف نصها على نجلاء والديون، والنص التاني أنا سحبته قانوني بصفته جوزي ومعايا توكيل عام منه قبل ما القهوة تتحذف في وشي.
بركات ضحك ضحكة سخرية يعني الفلوس معاكي كاش؟
رديت بذكاء الفلوس في مكان لا إنت ولا سيد تقدروا توصوله.. في وديعة باسم ابن نجلاء، ومققول عليها لحد ما يتم 21 سنة. يعني لو موتني أو موت سيد، الفلوس دي بح.. راحت للدولة وللطفل.
بركات وشه بقى غابة من الغضب، قرب مني ومسك فكي بقوة إنتي فاكرة إنك ذكية؟ أنا ممكن أحرقك إنتي والوديعة والطفل في ساعة واحدة!
دخول تارة على الخط
في اللحظة دي، تليفون بركات رن. رد وهو بينفخ، وفجأة ملامحه اتغيرت.
تارة كانت على الخط، بس مش لوحدها.. كانت مع المحامي الكبير ورئيس مباحث الأموال العامة اللي تارة قربت له المسافات.
سمعت صوت تارة في السبيكر وهي بتقول يا معلم بركات.. الفيديو اللي متصور دلوقتي لايف وإنت ماسك المدام نور وبتهددها، واصل لغرفة العمليات. والفلوس اللي بتدور عليها، نور بلغت عنها إنها غسيل أموال من البداية، يعني لو لمست شعرة منها، إنت لابس قضية أمن دولة مش بس اختلاس.
بركات رمى التليفون في الأرض وداس عليه بجزمته بنت ال لعبتها صح!
ساب سيد مرمي على الأرض وركب عربيته وطار، وهو عارف إن اللعب مع نور بقى خطر على رقبته.
المواجهة المكسورة
سيد قام بالعافية، وكان بيحاول يسند على عربيتي. بص لي بكسرة وقال إنتي عملتي كل ده عشان تحميني؟
ضحكت بوجع وقلت له أنا حميت نفسي وحميت ابن أختك الغلبان. إنت بالنسبة لي انتهيت يا سيد.. ورقة الخلع هتوصلك على بيت أمك بكره، والشقة اللي إنت قاعد فيها، أنا بعتها النهاردة الصبح لشركة استثمار.. يعني قدامك ساعتين تلم اللي فاضل لك وتخرج.
سيد صرخ تبعيني يا نور؟ تبيعي بيتنا؟
قلت له وأنا بركب عربيتي البيت اللي اترمى فيه نار، ميتسكنش فيه يا سيد. القهوة المرة فوقتني.. بس المرة دي، السكر زيادة على قلبي أنا لوحدي.
المفاجأة الأخيرة
وصلت شقة تارة وأنا مهدودة، لقيت نجلاء قاعدة ومجهزة لي فنجان قهوة. بصيت لها بشك، راحت هي شربت منه قدامي وقالت بدموع مظبوطة يا نور.. والله مظبوطة. أنا بعت كل حاجة وسددت ديون سيد، وهسافر عند خالي في الصعيد أربي ابني بعيد عن القرف ده.
نجلاء مشيت، وقعدت أنا وتارة نضحك