رساله غامضه بقلم روماني مكرم
على الدهب عشان الفلوس
هو بيدور على السر اللي جواه.
ليلى شدّت علبة الدهب ناحيتها.
وقالت بتوتر
وإنت عرفت منين؟
الراجل رد
جابر قال لنا.
الصمت نزل لحظة.
واضح إن جابر فعلاً كان عارف حاجة.
لكن حسن قال بحزم
حتى لو فيه سر ده ملكنا.
الراجل هز راسه وقال
السر ده ممكن يساوي ملايين.
أنا اتفاجئت.
ملايين؟!
الراجل قرب خطوة وقال
أبوكم زمان قبل ما يموت كان بيشتغل في تجارة قديمة
وسمعنا إنه خبّى مفتاح حاجة كبيرة جوه قطعة من الدهب.
ليلى بصت للعلبة بصدمة.
همست
مفتاح؟
الراجل قال
أيوه مفتاح يوصل لحاجة أغلى بكتير من الدهب.
حسن قال بحدة
كلام فارغ.
لكن الراجل رد بثقة
لو كان فارغ جابر ما كانش خاطر بكل ده.
ليلى بدأت تبص لقطع الدهب واحدة واحدة.
السلاسل الأساور الخواتم.
وفجأة
مسكت سلسلة قديمة.
كانت مختلفة شوية عن الباقي.
قالت ببطء
استنوا
كلنا قربنا.
ليلى قلبت السلسلة في إيديها.
وفجأة لاحظت حاجة صغيرة جدًا.
شق دقيق في القفل.
ضغطت عليه بحذر.
وفجأة
القفل اتفتح بطريقة غريبة.
ومن جوه
وقع مفتاح صغير جدًا على الترابيزة.
الكل اتجمد.
الراجلين بصوا للمفتاح بصدمة.
واحد منهم همس
يبقى الكلام كان صح
أنا بصيت لحسن بعدم
بابا كان مخبي مفتاح فعلاً.
لكن السؤال الأكبر كان
المفتاح ده يفتح إيه؟
ليلى مسكت المفتاح ببطء وعينيها مليانة دهشة.
لكن فجأة
سمعنا صوت من عند باب الشقة.
صوت تقيل وغاضب.
صوت كلنا عرفناه فورًا.
جابر.
قال وهو داخل الشقة ببطء
أخيرًا لقيتوه.
رفع عينيه ناحية المفتاح في إيد ليلى.
وابتسم ابتسامة مخيفة.
وقال
دلوقتي هاتوا المفتاح.
حكايات رومانى مكرم
وقف جابر عند باب الشقة ووشه مليان غضب وطمع.
عينيه كانت مثبتة على المفتاح الصغير في إيد ليلى.
قال بصوت بارد
أخيرًا لقيتوه.
ليلى رجعت خطوة لورا وضمّت المفتاح في إيدها.
قالت بإصرار
ده ملك بابا ومحدش هيخده.
جابر ضحك بسخرية.
أبوكي؟
أبوكي كان مخبي حاجة تساوي ملايين وإنتي فاكرة هسيبها لكم؟
حسن وقف قدام ليلى فورًا.
وقال ببرود
جرب تقرب خطوة.
الراجلين اللي كانوا في الشقة بصوا لبعض بتوتر.
واضح إن الوضع بدأ يخرج عن السيطرة.
لكن جابر صرخ فجأة
المفتاح ده بتاعي!
وحاول يندفع ناحية ليلى.
لكن حسن كان أسرع.
في لحظة
لكمة قوية من حسن ضربت جابر في وشه.
جابر رجع لورا واتخبط في الحيطة.
حاول يقوم ويهجم تاني
لكن حسن مسكه من هدومه ودفعه بعيد.
قال بغضب
خلاص يا
في اللحظة دي
سمعنا صوت خطوات سريعة طالعة على السلم.
وبعد ثواني
دخل رجال الشرطة الشقة.
الظابط بص حوالين المكان وقال بحدة
محدش يتحرك!
الراجلين اللي كانوا مع جابر رفعوا إيديهم فورًا.
لكن جابر حاول يتكلم بعصبية
الظابط الدهب ده بتاعي!
الظابط قال ببرود
الدهب ده ورث زوجتك وإحنا عارفين كل حاجة عن ديونك .
الصمت نزل في الشقة.
الظابط كمل
وفي بلاغات كمان إنك بتهددها.
جابر حاول يعترض
لكن رجال الشرطة مسكوه.
ليلى كانت واقفة ساكتة ودموعها نازلة.
مش دموع خوف
دموع نهاية وجع طويل.
الظابط بص لها بلطف وقال
تقدري تقدمي شكوى رسمية وكمان قضية خلع.
ليلى هزت راسها بثبات.
هعمل كده.
أخذوا جابر والراجلين وخرجوا من الشقة.
والهدوء رجع للمكان أخيرًا.
أنا بصيت لحسن وقلت
الحمد لله خلصت.
حسن ابتسم ابتسامة هادية.
لكن ليلى كانت لسه ماسكة المفتاح الصغير.
قلت لها
فكرتي يفتح إيه؟
ليلى بصت للمفتاح وبعدين للرسالة القديمة.
وقرأت آخر سطر فيها.
المفتاح ده يفتح صندوق أمانات باسمي في البنك.
أنا اتفاجئت.
صندوق في البنك؟!
حسن ضحك بخفة.
أبوكم كان دايمًا بيفكر لقدام.
بعد أيام
رحنا البنك.
وفتحنا صندوق الأمانات بالمفتاح.
كان جواه أوراق قديمة وبعض المجوهرات ومبلغ مالي كبير.
ورسالة أخيرة من الأب.
ليلى قرأتها بصوت متأثر
يا أولادي لو وصلتم هنا يبقى أنتم حافظتم على بعض وده أهم من أي فلوس.
ليلى ابتسمت وهي تمسح دموعها.
وقالت بهدوء
بابا كان عنده حق.
حسن حط إيده على كتفها.
وأنا بصيت لهم وقلت
أهم حاجة إننا خرجنا من كل ده مع بعض.
الشمس كانت داخلة من الشباك
وبعد ليلة طويلة مليانة خوف ومشاكل
بدأت أخيرًا حياة جديدة لليلى بعيد عن جابر.
حكايات رومانى مكرم تابعو صفحه رومانى مكرم
مرت شهور بعد الليلة الطويلة دي.
ليلى رفعت قضية الخُلع ومع الوقت قدرت تخرج من حياتها القاسية مع جابر.
رجعت تعيش في بيت العيلة مع إخواتها وبدأت تشتغل وتبني حياتها من جديد.
أما الدهب ففضل كما هو.
ورث أبوها وأمانه.
لكن أهم شيء اكتشفناه ما كانش الدهب ولا الفلوس اللي كانت في صندوق الأمانات.
أهم شيء كان وصية الأب.
الوصية اللي فهمنا معناها الحقيقي بعد كل اللي حصل.
إن الإنسان ممكن يخسر فلوس أو دهب أو بيت.
لكن أخطر خسارة في الدنيا
إنه يخسر أهله.
وقتها فهمت ليه أبويا كان دايمًا يقول
الدهب الحقيقي مش اللي بيتلبس الدهب الحقيقي هو الأهل اللي بيقفوا
ولو علمتنا الليلة دي درس واحد
فهو إن الطمع ممكن يدمّر بيوت لكن المحبة بين الإخوة تقدر تنقذها.
وهكذا انتهت الحكاية لكن حكمتها تبقى طول العمر
